“الضغط النفسى”.. طبيب استشاري يحلل الحالة النفسية لـ أحمد رفعت
استمرار أسباب وفاة لاعب كرة القدم ” أحمد رفعت” حديث السوشيال ميديا، وايضا من وسط اتهامات لمسؤولين رياضيين بظلمه، وذلك تسبب في قهره وموته في النهاية، وهو ما يؤكد أن الأزمة الصحية التي توفي على بقاياها كانت مرتبطة بحالته النفسية.
اضطرابات نفسية
اوضح استشاري الصحة النفسية، الدكتور وليد الهندي، إن الضغط النفسي هو أحد الاضطرابات النفسية الأكثر شيوعَا بجانب القلق والمخاوف المرضية، ودائمًا يصيب الإنسان نتيجة للحالة الناتجة عن عدم التوازن بين مطالب الشخص وقدرته على تحقيق الاستجابة”.
أزمة أحمد رفعت
وبشأن حالة أحمد رفعت، قال “يعني هو عايز يبقى أحسن لاعب في العالم مش عارف يحقق ده، الناس بتنال منه وحياته مش منظمة بيبقى فيه مجموعة من الأفكار الهدامة، ومجموعة من الضغوط العصبية ده خلاه مضغوط، واتولد عنده الضغط النفسي الداخلي اللي أكيد بينعكس على السلوكيات”.
وأضاف: “الضغط دائما ما يُحدث تغيرات في الانسان، تغيرات فسيولوجية ومعرفية وسلوكية وبينتج عنه مشاكل داخلية، بتخلي الإنسان مش عارف ينجز ولا عارف يوصل لتحقيق مداركه، أو لأداء العمل بتاعه في فترات متوازنة وطويلة الأمد، ليه؟، لأنه بينتج عنه القلق يعني بيبقى عنده دايمًا متلازمة القلق، الاجهاد الذهني، التوتر، الانشغال العقلي”.
الضغط النفسي
وتابع:” كان عنده هدف عايز يحققه طول الوقت شايفه وشايف كلام الناس الضاغط عليه، واللي بينعكس عليه في انخفاض نسبة التركيز، والقدرة على اتخاذ القرارات المناسبة، و دة بيعطيه شعور بالانزعاج، إلى جانب عدم الإرتياح النفسى”.
وأكمل ايضا:” يعني الضغط دا فعلًا مشكلة خلى الناس شايفينه مش هو، حاسينه إنه مكبل أو عليه مجموعة من الأعباء”.
متلازمة القلب المنكسر
وأضاف الهندي على حديثه قائلًا:” لما الضغط بيتزايد، والحزن بيتزايد، دا بيتسبب في ضعف في كفاءة الجهاز المناعي، والإصابة بأمراض عديدة جدًا، وبشأن دراسة عن الحزن الشديد، قالوا الإنسان اللي بيتكسر قلبه أو بيتقهر، بيتعرض لخطر الوفاة أكتر من الناس بنسبة 21 مرة”.
وإستكمل الهندى حديثه قائلاً:” عندنا متلازمة القلب المنكسر، وهي لما الإنسان بيتكسر قلبه بيأتيه نفس أعراض الذبحة الصدرية، ويبدأ البطين يوجعه، وتعرق شديد جدًا، وريقه ينشف ويجيله زغللة، وعدم اتزان، وممكن يقع ولو متلحقش ممكن يجيله جلطة، وإكتشفنا إن السكتة الدماغية بتحصل أكتر للإنسان اللى بيتعرض للحزن، السكتة الدماغية والسكتة القلبية، وأخفها السكر والضغط ولذلك، تخيل شدة الحزن ممكن تعمل ايه؟.
