إرشادات هامة لمريض القولون

إرشادات هامة لمريض القولون.

شوية حاجات أنت كمريض قولون عصبي بتعملها ومش واخد بالك إنها بتتعب القولون:

١- مضغ اللبان، للأسف بلع الهواء من الحاجات اللي بتملى المعدة غازات فبتتعب القولون.
٢- شرب السجاير، كام حد مدخن بعد ما بيدخن سيجارة بيلاقي بطنه اتنفخت، ده برضه للأسف بيتعب القولون.
٣- الأكل وأنت واقف، والأكل السريع على عجل من أمرك، وده من الحاجات اللي نهانا عنها سيدنا محمد صلى الله عليه وسلم، لا ناكل ولا نشرب واحنا واقفين.
٤- الفشار، على الرغم من قيمته الغذائية وقلة السعرات بتاعته والألياف وإنه بيشبع، لكن للأسف الهوا اللي بيتملي فيه الدرة عشان يتعمل فشار ده بيتعب القولون.
٥- الناس اللي عندها مشكلة مع بعض الألياف، هيلاقوا الرمان بيتعبهم على الرغم من قيمته الغذائية.
٦- قلة النوم وقلة الحركة من أهم أسباب الضغط النفسي اللي بيزود تعب القولون.
٧- أكل أنواع مختلفة من الأكل في نفس الوقت، وامتلاء المعدة بشكل مبالغ فيه بكميات كبيرة.
٨- طبعًا المسبكات والدهون الكتير وبعض البقوليات لبعض الناس.
٩- التجشؤ عن عمد.
إيه الحل؟.. اتعودوا كل يوم إن يبقى في أكلكم شوية عناصر مثل:
الكركم، الشمر، الزنجبيل، الينسون، والشاي الأخضر.
وطبعًا ظبطوا مع العادات اللي ذكرتها فوق.

إرشادات لمريضة تكيسات المبايض pcos:
أعرف إزاي إن عندي تكيسات على المبايض؟
مبدأيًا لازم تعرفي إن الموضوع بقى بييجي في سن مبكرة جدًا، لدرجة إن فيه بنات كل علامات البلوغ ظهرت عندها إلا الدورة، ده بيبقى سببه تكيسات مبكرة طبعًا ليها علامات كتير.

الشعر الزايد واضطرابات الدورة الشهرية وحبوب الوجه Acne
طبعًا بيصاحب ده السمنة وخصوصًا منطقة البطن
في تحاليل كده بتعرف منها
زي HOMA IR
FSH
مقاومة الأنسولين دي أساسية طبعًا
ويفضل يتعمل تحاليل للغدة الدرقية ومعاهم الكوليسترول والدهون الثلاثية lipid profile free t3 free t4 tsh
حلها مع ٣ تخصصات
النسا لو إنتِ غير متزوجة بتاخدي علاج ينظم الدورة مانع للحمل.
لو أنتِ متزوجة ومستنية حمل بتاخدي علاج في صورة
Metformin
جلوكوفاج أو سيدوفاج
ومع دكتورة جلدية لعمل إزالة الشعر بالليزر وعشان تعالجي الحبوب.
والأساس في كل ده التغذية لعمل نظام يعالج مقاومة الأنسولين مع ممارسة رياضات معينة مع بعض الجلسات الموضعية للبطن، زي الكافيتيشن والكرايو والموجات الصوتية وممكن الموجات القصيرة.
وطبعًا ننام بدري لأن تكيسات المبايض لخبطة هرمونية تسبب الاكتئاب، والسهر بيزود الاكتئاب.