الشرارة تقترب… في 20 دولة دلوقتي بتخرج رعاياها من إيران بشكل عاجل
وطيارة نتنياهو غادرت إسرائيل من ساعات عشان تبعد عن أي قصف إيراني محتمل…
وفي نفس الوقت، اسرائيل بتفتح دلوقتي الملاجئ النووي ورفعت درجة الجاهزية وحالة الطوارئ في المستشفيات… والتقارير اللي جاية من أمريكا كلها بتؤكد ان الضربة على إيران جاية خلال ساعات معدودة، لدرجة ان الجيش الأمريكي بدأ يخلى قاعدة العديد في قطر!
⚫️ تعالى كده أحكيلك تطورات الوضع اللي حاصل دلوقتي في الشرق الأوسط، وهقسمهم لك على 5 نقط فيهم كل حاجة عشان تبقى متابع التفاصيل كلها 👇
🟢 شوف يا سيدي… إحنا دلوقتي في مرحلة ما قبل العاصفة مباشرة، والتحركات اللي بتحصل على الرادارات وفي غرف العمليات بتقول إن القرار اتاخد خلاص، وإننا بنعيش اللحظات الأخيرة قبل اندلاع الحرب…
1️⃣ نبدأ من الأراضي المحتلة…
النهارده الصبح الصحافة العبرية والقناة 12 قلبوا الدنيا بخبر خروج طائرة نتنياهو الخاصة (اللي بيسموها “جناح صهيون”) لوجهة غير معلومة؛ غالبًا قبرص أو اليونان… وبحسب المحللين العسكريين، فالخطوة دي معناها حاجة واحدة بس…
🔵 إن في ضربة وشيكة غالبًا وبنسبة كبيرة هتحصل، وإسرائيل بتأمن رموز سيادتها بعيد عن المرمى الإيراني… أو على الأقل بيعملوا حملة تضليل وضغط على إيران عشان يدفعوها لارتكاب أي غلطة ويخلوها في حالة جاهزية دايمة وينهكوا دفاعاتها…
وفي نفس الوقت، الملاجئ النووية والصاروخية في مناطق كتير في الأراضي المحتلة اتفتحت بالفعل وسايبلك صورة منها في أول كومنت 👇
🟠 وآخر خبر هو ان الملاجيء كمان اتفتحت في منطقة “ديمونة” اللي فيها المفاعل النووي الاسرائيلي… وبالتزامن مع ده؛ المستشفيات الصهيونية رفعت درجة استعدادها لحالة الطوارئ القصوى “درجة أ”، والجيش الأردني رفع استعداده للدرجة القصوى.. يعني الجبهة كلها واقفة على تكة…
2️⃣ طيب ده بالنسبة لإسرائيل… أيه بقى اللي بيحصل في المعسكر الأمريكي؟
ترامب امبارح طلع بخطاب ناري من مدينة ديترويت، اتباهى فيه إنه خلص على البغدادي وسليماني “بمثالية”، ودلوقتي الدور جاي على النظام الإيراني…
🟣 والأخطر من الخطاب هو اللي سربته شبكة CBS عن إن ترامب بالفعل اطلع على “حزمة عمليات سرية” عرضها عليه البنتاجون، والعمليات دي غالبًا مش هتبقى مجرد ضربات جوية… بل هيكون معاها هجمات سيبرانية وإلكترونية كمان، عشان تشل المنظومات الحيوية وشبكات الاتصال في إيران، عشان تعمي النظام وتفكك مفاصله قبل ما أول طيارة تتحرك من مكانها…
3️⃣ طيب دول الخليج موقفها أيه؟!
هنا بقى المفاجأة… السعودية وقطر وعُمان بعتوا امبارح رسائل واضحة وصريحة للبيت الأبيض بيطلبوا فيها من ترامب عدم التدخل في إيران أو اسقاط النظام، عشان حسب كلامهم “أي هجوم واسع هيزعزع أسواق النفط ويضرب الاقتصاد العالمي في مقتل”
🟡 كمان السعودية أكدت لإيران رسمياً إنها مش هتسمح باستخدام مجالها الجوي لضرب طهران، وده بعد ساعات قليلة من تحذير إيران لدول الخليج كلها إن أي دولة فيهم هتسمح بمرور ضربات أمريكية او اسرائيلية هيتم قصفها بالكامل!
4️⃣ طب نعمل بقى Zoom Out ونوسع المنظور شوية… باقي دول العالم بتعمل أيه؟!
أكتر من 20 دولة لحد دلوقتي طلبوا من رعاياهم الخروج من إيران “فورًا وعلى وجه السرعة”، ويهربوا بأي وسيلة حتى لو برًا إذا كان مفيش طيران… والدول دي هي (أمريكا، بريطانيا، فرنسا، ألمانيا، كندا، أستراليا، اليابان، نيوزيلندا، أيرلندا، السويد، بولندا، جمهورية التشيك، إيطاليا، بلجيكا، إسبانيا، تركيا، الهند، تايوان، وسنغافورة.) وغيرهم..
🟢 طبعًا زي ما انت شايف، الخطوات دي كلها مستحيل تبقى إجراء عادي أو روتيني… بل هي معناها إن مخابرات الدول دي عندها تأكيدات إن السماء الإيرانية هتتحول لساحة معركة خلال ساعات…
5️⃣ كمان عندك خبر بيقولك ان أمريكا بدأت إخلاء جنودها ومعداتها من أكبر قاعدة أمريكية في الشرق الأوسط… اللي هي قاعدة “العديد” في قطر!
حسب وكالة رويترز، فالأفراد والقوات الأمريكية في قطر بقالهم ساعات بينفذوا عمليات، وفي تقارير اتكلمت عن انهم كمان بيفككوا طائرات الوقود… ولسه من 10 دقايق بالضبط ظهرت على رادارات المراقبة 5 طيارات أمريكية من طراز KC-135، أقلعت من قاعدة العديد في طريقها نحو اتجاه السعودية… صورتهم تحت أهي 👇
والخطوات دي عايز أقولك انها نفس الخطوات بالمللي اللي حصلت قبل ضرب المنشآت النووية الإيرانية في يونيو اللي فات…
🔹️ طب ده معناه أيه؟!
معناه ان أمريكا بتخلي الأماكن اللي ممكن إيران تطولها بصواريخها كنوع من تقليل الخسائر قبل ما تبدأ الهجوم…
🟣🟡 طيب الخلاصة أيه؟! ويا ترى أيه المتوقع؟!
التقارير الاستخباراتية بتقول إننا قدام نافذة زمنية محدودة جدًا، وإن الاحتمال الأكبر والأرجح هو انه هيتم تنفيذ هجمة على ايران في خلال ساعات… وطبعًا احنا سمعنا الكلام ده كتير بقالنا كذا يوم، ف هنا أنا ممكن أقولك ان كل التأخير والتمطيط ده مقصود عشان يشتتوا انتباه ايران والعالم ويرهقوها ويخلوها في حالة دفاع مستمرة لحد ما الهجمة تبدأ فجأة بدون مقدمات…
🔸️ الوضع دلوقتي للأسف مشوش جدًا والاشاعات اللي بتطلع كتير، بس الأكيد إننا دلوقتي بنعيش لحظات مهمة ومحورية ممكن تكون بداية لتغيير شامل في الإقليم كله… وعشان كده هفضل متابع معاك وهسيبلك المصادر والتحديثات الفورية في الكومنتات 👇
🔴 ولو وصلت لهنا متنساش الشير عشان الكل يبقى متابع معانا التفاصيل والتطورات لحظة بلحظة…
#علام
