أحمد مالك يتوج أفضل ممثل بمهرجان الجونة
قال النجم أحمد مالك في كلمة مؤثرة بعد فوزه بجائزة أفضل ممثل عن دوره في فيلم كولونيا خلال حفل ختام الدورة الثامنة من مهرجان الجونة السينمائي:
“أخيراً، جائزة أفضل ممثل رجعت لبلدها مصر، ودي أول مرة ممثل مصري يفوز بيها. أنا اتربيت في الصناعة دي من وأنا طفل، وسط الناس دي، وفخور جداً إني جزء من هذا الامتداد الفني الكبير.”
وأضاف قائلاً:
“التمثيل كان دايماً اختياري الأول، وحبي الحقيقي، وهو شرفي الأول والأخير. حبي للمهنة دي خلاني أديها كل حاجة عندي – عقلي، وقلبي، وجسدي. والنهارده الجائزة دي بتأكد إن الحب ده ماكانش من طرف واحد، وإن المهنة ردّت لي الحب.”
واختتم كلمته بتعبير مؤثر عن الامتنان قائلاً:
“بشكر فريق عمل فيلم كولونيا، والمخرج محمد صيام، وأهلي اللي دايماً وقفوا جنبي – شكراً يا ماما، يا حسن، يا علي، يا تمارا، يا حبيبة، يا علاء، ويا كريم. شكراً للجنة التحكيم، ولمهرجان الجونة اللي بدأ معاه أول فيلم افتتاح ليا، وشكراً لكل الشباب… مهما كانت الصعوبات، كملوا، لأن الحلم يستحق.”
